Izabakoa, martxan zegok, azken xehetasunak lotzen ari gaituk eta dena prest dugunean guztiok elkartuko gaituk.

Iganderako berriz, erronka bateri aurre egin beharrean gaudek. Ikastolaren 40. urteurrena dela eta antolatu diren festaren barruan, Garagartza plazan eguerdiko 12etan herri kirolak zeudek eta irakasle saltsero batek, mendizaleon osasun ona dela eta, parte hartzeko sasatu gaituzte. Aurrean irakasle eta ikasle talde bana izango dizkiagu. Blas selekzionatzaileak, gauza oso serio hartu dik eta talde polita osatzen ari duk. Masajista eta guzti gaituk (Koro), beraz animatu eta apuntatu.

Badago aukera bai atzera egiteko, alegia, akats potoloak egiten direnean Blogsomek badu aukera erraz bat aurretik gordetako bertsio batera bueltatzeko. Nola? Bada, kodean eskua sartu duzula esan baduzu Manage/Files menuan egongo zinen. Bertan lau fitxategi dituzu kodean aldaketak egiteko: Main Page, Site Style Sheet, Posts eta Comments. Hauetako bakoitzaren eskuinaldean 1etik 5erako bost zenbaki. Hauetako bakoitzak aurreko kodearen kopia bana gordetzen du; 1 zenbakiak azkena, 2ak azkenaurrekoa… Berreskuratu nahi duzun kopiaren arabera, hautatu dagokion zenbakia eta listo. Gorde berriro txantiloia eta bloga lehen zenuen bezala izango duzu.

Ea konpontzea lortzen duzu. Horrelakoak dezenteetan gertatzen dira; segurtasun kopiak gordeta baldin badituzu ez da gutxi. Word-en baino hobe duzu Ohar-blokan gordetzea. Word dokumentuak kodeari formatu etiketa arraroak eransten dizkio eta gero hauek garbitzea nahiko “peñazoa” da. Ohar-blokak, berriz, kode garbia gordetzen dizu; honekin zuzenean kopiatu eta itzatsi eta listo.

Zorte on!

Jendearen aldetik, zerbait berezia egiteko nahia sumatzen genuen eta, gure kasa, berrogei edo berrogeita hamar bat pertsonentzako Pirinioetara asteburuko txango bat prestatzen hasi ginen. Zertan ari ginen zabaldu zenean, Jakintza ikastolaren Berrogeigarren urteurrena ospatzeko programaren barruan sartzea proposatu ziguten eta testuinguru hartan egin genuen deialdia. Jasotako erantzun zabalak, gure planak goitik behera aldatzera behartu gintuen. Hasierako usteak bikoiztu egin ziren eta 110 lagunentzat garraioa, ostatua eta mendi ibilaldiak antolatu beharrean jarri ginen.

Blasen lana eta denboraz ibiltzeak erabakigarriak izan dira garraioa eta ostatua lotzeko. Ibilaldiak prestatzerakoan, Iñakik bere lehenengo iruzkinean azaldutako kezka berak izan ditugu. Taldea handiagoa izateak zailtasunak sortzen ditu mendian mugitzeko eta hori gutxi balitz mendian nola moldatzen den ez dakigun jende berri asko gehitu zaigu. Nola uztartu gogoa eta kezkak?

Igande goizerako ez genuen buruhauste asko izan Arlas mendia aukeratzerakoan, oso erraza baita igotzeko. Askorentzat lehenengo 2.000koa izango da (Egoera horretan zaudetenoi gogoratu nahi dizuet, ohiturak beteranoentzat xanpaina eramatea behartzen zaituztela). Larunbaterako, berriz, Belagua eta Zurizako bailaren artean kokaturik dagoen Txamantxoia mendia aukeratu genuen, baina, Imanolek Aste Santuan bertara egindako buelta baten ondoren, ez zitzaigun egokia iruditu. “Nahiak-3 kezkak-4”.

Kartxela aproposa da elkarrekin mendiaz gozatzeko, Pirinioetako mendien “kasta” du, paisaia paregabea, eta gailurrera igotzeko lan pixka bat eskatzen duena. Zatoa estutzeko aitzakiaren bat beharko dugu, ezta? Kezkak uxatzeko, normalean hiru edo lau ordutan egiten den txangoa egiteko egun guztia izango dugula esango dizuet, eta hala ere, norbaitek ezingo balio taldeari jarraitu, bidean zain egoteko aukera izango duela , denbora osoan begi bistan izango baikaitu. Nire kezka bakarra, eguraldiarena da, txarra egiten badu ez gara igoko eta beste zerbait egin beharko dugu. Behar ezkero, autobusak eskura izango ditugu “turismoa” egiteko. Ea zortea izaten dugun, oso polita izango litzake guztiok puntaraino igotzea eta.

Hire proposamena ulertzen diat. Zoritxarrez, blogak ez dik horrelako aukerarik eskaintzen. Dena den, begiratuko diat ea sistemaren bat asmatzen dugun hori egin ahal izateko.