Urkillaga-Lareo-Lizarraustiko bideoa

Beste behin, ORDIZIAKO MENDIZALEAK elkarteak, haurrentzako antolatu duen ibilaldian parte hartu dugu. Naiz eta eguraldi ederrak lagundu, esan beharra dago aurten oso haur gutxi etorri zaizkigula. Parte hartze eskasiaren errua, bota diezaakegu aurreko egunetan gaurkorako eguraldi kaskarra iragarri izateari, Aste Santuko oporren hasieran egoteari edo urte sasoi honetan haurrak beste ekintza batzuetan parte hartzeari( Eliz ospakizunak, Dantzari txiki egunak eta abar).
Dena den, 40 bat pertsona habiatu gara Ordiziako plazatik goizeko zortzi eta erdietan, Arama, Itsasondo eta Altzagako lurretatik pasatuz bi ordu geroago Baliarraingo San Juan iturrira iritsi gara. Bertan, Mendizale elkartekoek eskaini digun hamaiketako goxoa dastatu ondoren, Bost-Haitzeta eta Abalitatik pasatuz Ordiziara itzuli gara.

Gipuzkoako eskolarteko mendi lehiaketa

Aspaldi erabili gabeko txano eta aterkien beharra izan dugu gaur. Gogotik bota digu euria eta bideak lokaztuak izan ditugu. Hala ere, ez du hotzik egin eta haizea nahiko pakean izan dugu. Mila esker antolatzaileei hamaiketako goxoagatik.