Gure seme-alabek guk amestu ere egiten ez ginuzten aukerak dituzte eskola ordutik aparte beren denbora betetzeko. Astean zehar, musika, margoketa, dantza, hizkuntzak edo kirol ezberdinetako jardueratan parte hartzen dute. Oso bizkorrak dira eta beren indar guztiak isurtzen dituzte ekintza horietan . Guk, naturala denez, lehenengo postuetan ikusi nahi ditugu, beren gurasoak gara eta beraientzat hoberena nahi dugu. Kontuz, ez dezagun ahaztu umeak direla eta jolasa dela beren heziketaren tresna garrantzitsuena.
Eskolan ere jolastuz hasten dira lehen ikasgaiak bereganatzen eta konturatzen garenerako handitzen dituzte beren trebetasunak. Eskolaz kanpoko ekintzetan eutsi dezagun bide honi eta gure nahia ez dezagun bihurtu beraientzat halabeharra.
Eta Axular ikastolako web orritik jaso dudan haur kirol ikusleri zuzendutako dekalogo hau kontutan har dezagun gure seme-alabak arestian aipatu ditudan jardunetara bultzatzen ditugunean.
IKUSLE ONAREN DEKALOGOA
1.- Umeek ez dute jolasten jendea entretenitzeko, ezta garaile izateko ere. Umeek ondo pasatzeko eta kirolaren bitartez hezteko jolasten dute. Ez ezazu hori inoiz ahaztu!
2.- Parte hartzaile guztien ahaleginak txalo itzazu. Garrantzitsuenak ez du zertan emaitza izan behar.
3.- Huts egiteagatik ez iezaiezu erriertarik egin, ikasten ari dira eta. Diozun guztia positiboa izan dadila, horixe motibagarriena baita.
4.- Jardueran parte hartzen dutenekin errespetua azaldu (ikasle, entrenatzaile, arbitro zein ikuslegoarekin). Guztiak beharrezkoak dira!
5.- Seguru aski zer egin behar duten jakingo duzu, baina ez itzazu “telebideratu” zer egin behar duten momentu oro esanez. Jardueraz gozatzeko eta erabakiak hartzeko askatasuna eman behar zaie.
6.- Arbitroen erabakiak errespeta itzazu eta anima itzazu umeak gauza bera egitera eta ezarritako araudiaren arabera jokatzera.
7.- Jendeak edota parte hartzaileek sortutako edozein motatako indarkeriari edo jarrera desegokiei uko egiezu.
8.- Jarduerari amaiera emandakoan norberaren hobekuntza eta taldearen baloratu. Ez eman garrantzia emaitzari soilik.
9.- Ikusleek arau hauek betetzeko ahaleginak egin, era horretan jarduera denentzat onuragarriagoa izango delako.
10.- Ez inoiz ere ahaztu zure portaera seme-alabentzako eredua izango dela, ezta benetako protagonistak beraiek direla.
Jokin(e)k zera dio:
Erabat ados. Askotan ikusten diren “espektakuloak” ez dira batere hezitzaileak izaten gure gaztetxoentzat. Niregatik izango balitz, orritxo batean jasoko nuke dekalogo hau eta gure seme-alabek parte hartzen duten ekimen guztietan banatuko nuke.
38 mins igaro da (dira) mezua idatzi zenetik.metxarri(e)k zera dio:
Tira Jokin:
Dekalogo hau ez dakit orain banatzen den (uste dut baietz), baina aspaldikoa da eta beti banatu egin zaie Ordiziako ikasleei. Urdanetakoekin batera, dekalogo hau Malagako erakunde batetik (orain ez dut gogoratzen zein) lortu eta euskaratu genuen.
Goierriko beste ikastetxeetako kirol arduradunei ere oso interesgarria iruditu zitzaienez, eskatu eta euren ikastetxeetan banatu zuten.
Dekalogo hauek oso interesgarriak direla eta oso ongi datozela iparra ez galtzeko eta egiten ari garenaz ohartzeko oso garbi daukadan arren, sekulan ez dugu aztertzen kirolaren inguruan gure gizarteak antolatuta dituen interesak.
Lehiakortasuna, oldarkortasuna… eguneroko eredu bilakatu dira kirol esparruan. “Hil ala biziko partida” bezalako esaldiak egunero irakurri eta entzuten ditugu kirol munduko “idoloengandik”. Eta beste gauza askotan gertatzen den bezala, eredu horiek dira imitatzen ditugunak bai helduok baita txikitxoek ere.
Horregatik, eta beste arrazoi batzuengatik, urte mordoa kirol lehiaketari eskaini eta gero, oso kritikoa azaltzen naiz lehiaketaren eredua umeei zabaltzearekin. Nik eskola kirolari beste ikuspegi bat emango nioke eta lehiaketari lotu beharrean, osasunari, gozatzeari, talde lanari, ohitura egokiei… lotuko nuke.
Gipuzkoako Foru Aldundiaren asmoa hortik zihoan, baina Errealaren eta Kirol Federazio batzuen presioek asmo on hori ezerezean utzi zuten. Tamalgarria.
5 hours igaro da (dira) mezua idatzi zenetik.ague(e)k zera dio:
Esan didate Pirinioetako irteerari buruzko bilerak arrakasta mundiala izan zuela, aupa! Ea dena ondo ateratzen den!
5 days igaro da (dira) mezua idatzi zenetik.ague(e)k zera dio:
Idatzi dudan aurreko mezua ez dakit ondo bidali dudan eta badaezpada ere berriro saiatuko naiz….Pirinioetako irteerarako oso animatua eta ilusio handiz dabilela jendea, gu barne! Ea dena ondo ateratzen den!!
5 days igaro da (dira) mezua idatzi zenetik.